Լեռնային Ղարաբաղի բանակի հաղորդագրութեան համաձայն, 5 փետրուարին ղարաբաղեան-ազրպէյճանական
զօրքերու շփման գիծին հարաւարեւելեան պաշտպանական ուղղութեամբ տեղակայուած դիրքերէն մէկուն
մէջ հրազէնային մահացու վէրք ստացած է բանակի ժամկէտային զինուոր, 1992-ին ծնած Մարատ
Դիմակսեանը: Վիրաւորը մահացած է զինուորական հիւանդանոց տեղափոխուելու ճամբուն վրայ:
Բանակի
լրատուութեան եւ քարոզչութեան բաժանմունքի տարածած հաղորդագրութեան մէջ նշուած է, որ
միջադէպին մանրամասնութիւնները ճշդելու համար քննութիւն կը կատարուի: